O Ganapán máis reposteiro preparará 'nubes de queixo' e napolitanas

Os talleres culinarios complementaranse con outros de manualidades
Un participante nun dos obradoiros do Ganapán. JOSÉ LUIZ OUBIÑA
photo_camera Un participante nun dos obradoiros do Ganapán. JOSÉ LUIZ OUBIÑA

Os talleres deseñados por O Ganapán, o programa de lecer infantil impulsado no Mercado de Abastos pola Concellería de Promoción Económica e Turismo, seguen a satisfacer os desexos dos rapaces máis larpeiros. Así, os obradoiros previstos no Espazo Gastro inclúen a elaboración de esponxosos biscoitos nube de queixo (un auténtico capricho doce con poucos ingredientes), o sábado 19 de febreiro, e a preparación dunhas irresistibles napolitanas de chocolate ideais para merendar na casa, o domingo 20 de febreiro.

Sábado 19 de febreiro

Segundo subliña a concelleira de Promoción Económica, Yoya Blanco, "estes talleres culinarios complementaranse cos do Espazo Crea, nos que os nenos e nenas participantes terán ocasión de confeccionar unhas simpáticas eirugas (sábado 19) e un boneco inchable elaborado cunha luva con ollos, que desinchará e inchará soprando por unha palliña (domingo 20)". "Tanto os obradoiros de cociña como os de manualidades están destinados a rapaces de 4 a 10 anos –aclara a edil socialista– e desenvolveranse en dúas sesións, ás 11:00 e ás 12:30 horas".

Domingo 20 de febreiro

Todos aqueles nenos que desexen participar deberán inscribirse previamente a través do email [email protected] ata as 16:00 horas do día anterior ao de celebración das actividades. Recoméndase portar friameira para levar a casa as receitas cociñadas.