O Ganapán volve ó Gastroespazo do Mercado de Abastos de Pontevedra esta fin de semana. O programa de lecer, impulsado pola Concellería de Promoción Económica, prepara para este sábado e domingo novas actividades para os nenos e nenas de entre 4 e 10 anos.
Desta volta, no ámbito das manualidades haberá un obradoiro de confección de coloridos, brillantes e divertidos peixes tropicais e outro de creación de abanos con forma de froita, posto que xa se achegan as temperaturas de verán.
No tocante o plano gastronómico elaboraranse brownies de limón, cunha mestura de doce e acedo, e pan de plátano e arandos.
Os obradoiros abrirán ás 12 da mañá, e todos aqueles que queiras participar deberán inscribirse antes das 16.00 horas do venres a través do correo electrónico [email protected].
A concelleira Yoya Blanco, quixo destacar que se elaborarán "unhas receitas absolutamente deliciosas" e lembrou que se poderán levar a casa "aqueles que veñan con friameira".
