Os do Val do Lérez convertéronse este xoves nos gañadores Certame de Murgas de Pontevedra por terceiro ano consecutivo ao conseguir 79 puntos do xurado. Seguíronos de preto o Equipo Ja, con 75, e Jana de Leria, con 71. O cuarto posto foi para a murga PTV e o quinto para os Arrombados.
A final foi seguida por centos de persoas que abarrotaron o Pazo da Cultura. Os seguidores do concurso que non tiveron fortuna de conseguir unha butaca, puideron seguir a final en streaming.
Un dos protagonistas da noite foi o alcalde de Pontevedra, Miguel Anxo Fernández Lores, que subiu ao escenario durante a actuación da murga Jana de Leria, que lle adicou unha canción.
►Máis información na edición impresa de Diario de Pontevedra deste venres◄
