Preto de 19.000 vendedores da Once en España retomaron a súa actividade este luns tras a crise sanitaria provocada polo coronavirus. Na provincia de Pontevedra, son 230 os traballadores que a partir de agora poderán vender novamente os cupóns e demáis productos de xogo, mentres que a cifra de profesionais total en Galicia sitúase nuns 700.
O alcalde pontevedrés, Miguel Anxo Fernández Lores, foi unha das persoas que estrearon esta volta coa compra dun cupón no punto de venda situado na rúa Michelena, fronte á sede municipal do Concello.
O vendedor Ramón Bertolo foi o encargado de atender ao rexedor, quen tamén departiu brevemente co director da Once en Pontevedra, Eloy Hermelo.