O novo Centro social de Lourizán, situado no casco de Estribela estará rematado ao longo do mes de febreiro, tal e como anunciou esta mañá de xoves o alcalde, Miguel Anxo Fernández Lores, durante a visita que fixo ao que era o antigo mercado de Estribela.
“Sorprendeume agradablemente” asegurou o alcalde quen afirmou que “nos gusta que todas as parroquias e os núcleos máis importantes teñan local social, porque son os lugares nos que se fai a cohesión social, onde a xente se reúne, convive, discute…”.
O de Lourizán será un dos máis grandes centros sociais que o Concello de Pontevedra ten repartidos por barrios e parroquias. Terá unha superficie de 672 metros cadrados construídos, necesaria para albergar as múltiples actividades que se programan a parroquia máis poboada do municipio.
