A subdelegada do Goberno en Pontevedra, Maica Larriba, participou este luns coa secretaria xeral da Subdelegación, María Isabel Alonso de Linaje, na colocación dunha pancarta con motivo do Día Internacional da Muller.
Larriba lembrou que este acto simbólico é o primeiro dun programa de actividades organizado para conmemorar esta data e que terá lugar ao longo de toda a semana. A subdelegada quixo reiterar o compromiso do Goberno para "converter o feminismo nunha cuestión de Estado" e impulsar políticas públicas "que poidan remover as desigualdades que as mulleres sofren polo feito de ser mulleres no acceso aos seus dereitos, xa sexa nos ámbitos laboral, de saúde, de acceso á vivenda ou na redistribución da riqueza".
