A iniciativa Smart-Peme, da Deputación de Pontevedra oferta esta semana cinco novas accións formativas impartidas de xeito online.
A primeira das propostas versará sobre Márketing sostible. Estará a cargo de Fátima Faílde, posgraduada en Comunicación e Industrias Creativas, quen falará da importancia da ética nas estratexias de márketing. O mércores 28 pola mañá, Laura Carrera, posgraduada en Dirección de Comunicación Corporativa, impartirá Vende os teus produtos en Facebook e Instagram e, pola tarde, Guillermo Nass, TSU en deseñador gráfico publicitario do Colexio Universitario Monseñor de Talavera, centrarase na importancia dos complementos de WordPress.
Para finalizar, o xoves 29, será a quenda de Covid e ciberseguridade en 2021 a cargo Manuel Freire, experto universitario en Robótica, quen falará das medidas básicas que se deben adoptar de sufrir un ciberataque. Por último, Adrián Fernández, licenciado en Comunicación Audiovisual, impartirá o taller Introdución ao inbound márketing I.