O vindeiro martes 9 de marzo, a partir das 9:30 horas, cortarase o tráfico no tramo da rúa Loureiro Crespo entre as rúas Doce de Novembro e Ernesto Caballero, por mor dunha nova fase das obras de reforma deste vial.
O acceso aos garaxes no tramo afectado quedará habilitado desde a intersección de Loureiro Crespo con Doce de Novembro. As interseccións previas a este tramo, desde a avenida de Lugo, contarán con sinalización advertindo deste peche de tráfico e indicando os desvíos habilitados para condutores e residentes.