Sábado. 22.09.2018 |
El tiempo
Sábado. 22.09.2018
El tiempo

México tomará o Salón do Libro de Pontevedra

Presentación da programación mexicana do Salón do Libro de Pontevedra. GONZALO GARCÍA.
Presentación da programación mexicana do Salón do Libro de Pontevedra. GONZALO GARCÍA.

Máis de 60 actividades da programación están organizadas en colaboración co país latinoamericano, dende o que viaxarán 12 profesionais do sector literario
 

Son máis de 60 as actividades que o Salón do Libro Infantil e Xuvenil de Pontevedra adicará ao que é o seu país convidado este ano, México. Anunciouno a concelleira de Cultura, Carme Fouces, que tamén avanzou que unha ducia de profesionais do sector literario, entre escritores, ilustradores e mediadores, virán con este motivo á capital da provincia. 

Á xa presentada exposición Pintacuentos, que acollerá o Museo, súmanse encontros con autores, obradoiros, un apartado gastronómico (no que participará o chef Rómulo Mendoza), a distribución de títulos mexicanos nas librerías da cidade, un intercambio de lecturas entre cativos galegos e do outro lado do Atlántico, un ciclo de conferencias, un espectáculo de contadores e distintas propostas culturais e de ocio por distintos puntos da cidade. Ademais, Fouces indicou que o espectáculo inaugural do Salón "estará inspirado nunha mestura das culturas galega e mexicana". Segundo a concelleira, "o obxectivo é abrir a nosa experiencia a grandes culturas do mundo, das que podemos beber, e confirmar que a nosa está á altura de calquera delas".

O Salón do libro de Pontevedra, ao que xa se apuntaron máis de 7.000 escolares, celebrarase do 6 ao 29 de abril. 

México tomará o Salón do Libro de Pontevedra
Comentarios