O grupo parlamentario do BNG rexistrou este luns, por medio do deputado Luís Bará, unha proposición non de lei na que reclama á Xunta que incoe expediente sancionador á empresa Naturgy polos continuos cortes do servizo en Pontevedra.
"Causan graves perxuicios á actividade hostaleira e comercial e ao quefacer diario das persoas", indica Bará, quen se refire tamén ás "molestias" que provocan entre a poboación o bloqueo de ascensores e portas de garaxes,
O BNG tamén reclama que a Xunta esixa á empresa un plan de investimentos para a mellora do subministro na cidade de Pontevedra e un informe no que se detallen os cortes que se produciron, as súas causas e as medidas adoptadas para evitalos.
Por último, o grupo nacionalista demanda que o Instituto Galego do Consumo e da Competencia organice unha campaña informativa sobre os dereitos das persoas consumidoras "en relación co mal funcionamento do servizo prestado polas compañías subministradoras de electricidade".
Ademais, o Concello de Pontevedra solicitará unha reunión coa Conselleria de Economía e Industria para que adopte medidas e estude posibles sancións á subministradora.
