As pistas deportivas de Mollavao, situadas xusto por baixo da autoestrada AP-9 ao seu paso por Pontevedra, permanecerán pechadas un tempo por mor das obras de mantemento que está a realizar a empresa responsable do vial, Audasa.
O peche vén motivado pola idea de garantir a seguridade dos usuarios destas pistas, namentres continúen os labores de mantemento pendentes por Audasa, e así corrixir deficiencias detectadas na zona.
A duración deste peche será indefinida no sentido de que volverán ser abertas ao momento do remate das actuacións.
Porén, a información facilitada por Audasa aos servizos municipais é que os traballos durarán preto de dúas semanas, ata o 11 de setembro, aproximadamente.
