Ortiga vén de aprazar por segunda vez o concerto no que presentará en directo o seu último disco, Sabes el camino que elegí, na sala Karma de Pontevedra. Segundo anunciou o artista nas súas redes sociais e informa na súa web o seu selo discográfico, Ernie, do 5 de febreiro pasa ao 26 de marzo. As entradas seguen sendo válidas.
Orixinalmente, o concerto de Ortiga tiña que celebrarse o 17 de decembro e con el ía pechar o ano 2021. Pero daquela un contacto estreito cun positivo en covid obrigouno a aprazalo ao 5 de febreiro. Agora é a actual normativa vixente, con medidas de seguridade sanitaria que inclúen cabidas limitadas e que os espectadores deben estar sentados, o que o leva a realizar un novo aprazamento, segundo explicou.
