Os cortes de tráfico pola maratón de Pontevedra afectarán ó centro histórico e a Beiramar

A partir das 22.00 horas deste sábado poderían levarse a cabo xa restricións dos estacionamentos
Percorrido da proba
photo_camera Percorrido da proba

A Policía Local, co gallo da celebración da media maratón Cidade de Pontevedra, que terá lugar este domingo, porá en marcha un dispositivo especial de tráfico que afectará á zona norte, principalmente, ó centro histórico e ás rúas de Beiramar. 

A proba comenzará ás 10.45 horas e rematará arredor das 13.30 horas e durante ese tempo estará prohibido o paso de vehículos polas rúas do trazado: Ponte dos Tirantes, Avenida de Bos Aires, Valentín García Escudero, Real, Praza de Curros Enríquez, Soportais, Odriozola, Praza da Peregrina, Peregrina, Andrés Muruáis, Andrés Mellado, San Pedro Alcántara, Alcalde Hevia, Iglesias Vilarelle, Paseo do Gafos, Xeneral Rubín, Augusto García Sánchez, praza de Galicia, Augusto González Besada, Riestra, Praza de España, Arzebispo Malvar, Travesía de Galera, Avenida do Uruguai, Avenida das Corvaceiras, Padre Gaite, Padre Fernando Olmedo e Xosé Malvar. 

Os residentes do interior do perímetro delimitado por estas rúas só poderán saír cos seus vehículos dos garaxes a través da Praza de España, onde se habilitará un paso especial. 

O operativo, no que participarán axentes da Policía Local e 60 voluntarios, contempla restricións dos estacionamentos a partir das 22 horas deste sábado no contorno de Tafisa, Padre Gaite, Fernando Olmedo, Iglesias Vilarelle e Xosé Malvar, no tramo entre rotonda Camiño Vello de Castela e a Ponte dos Tirantes. 

Os accesos ás rúas que forman parte da proba comenzarán a pecharse ó tráfico rodado ás 6 horas da mañá do domingo completándose a restricción ás 10.15 horas. 

As medidas afectan especialmente aos veciños de Monte Porreiro, posto que a proba chega ata a praia fluvial, polo que a saída do barrio farase pola Rúa da Pomba cara a Avenida de Lugo ou a Rúa da Seca. 

ACCESOS. Os residentes nas rúas comprendidas entre Real e Arcebispo Malvar non poderán acceder co coche mentres dure a proba, pero si saír por Praza de España. 

Ao longo do percorrido permítese o estacionamento, excepto nos lugares expresamente prohibidos e que xa están sinalizados, pero os vehículos non se poderán mover ata o remate da proba. De aí que a Policía Local aconselle a quen teña previsto saír entre as 10.15 e 13.30 horas deste domingo que estacionen noutro lugar.

Comentarios