domingo. 18.04.2021 |
El tiempo
domingo. 18.04.2021
El tiempo

O parque forestal da Fracha estará habilitado en abril

Visita ao mirador do Couto das Forcadas, na Canivouva. DAVID FREIRE
Visita ao mirador do Couto das Forcadas, na Canivouva. DAVID FREIRE
Acondicionáronse catro miradoiros, habilitáronse 26,6 kilómetros de sendas peonís e ciclistas, elimináronse especies invasoras e plantáronse 15.500 novos exemplares de autóctonas

O alcalde, Miguel Anxo Fernández Lores, acompañado polos concelleiros Pilar Comesaña, Alberto Oubiña e Raimundo González, visitou este mércores a fase final dos traballos do parque forestal peirubano da Fracha.

No mirador do Couto das Forcadas, na Canivouva, o alcalde asegurou que este parque forestal, unido ao da Tomba e ao do Pontillón, suman un total de 538 hectáreas que "forman un borde periurbano cunha gran potencia paisaxística e que vai permitir que a xente se achegue a pasar unha xornada ou facer sendeirismo fóra da cidade". Sobre a previsión de remate das obras de acondicionamento na Fracha anunciou que estarán rematadas a finais de marzo ou comezos de abril, mentres que o parque da Tomba está a piques de ser recepcionado polo Concello.

Fernández Lores agradeceu especialmente ás Comunidades de Montes das tres parroquias a colaboración co proxecto, así como a de propietarios particulares que tamén están cortando eucaliptos na zona para colaborar coa recuperación da biodiversidade do monte. Neste sentido, insistiu en que "con esta actuación do que se trata é de poñer en valor os montes periurbanos para que os desfrute todo o mundo, non só a veciñanza destas tres parroquias senón tamén toda a cidadanía de Pontevedra que está convidada a visitalos, coñecelos e desfrutalos".

Os traballos neste parque forestal consistiron na eliminación de especies invasoras, sobre todo eucalipto e acacias, na plantación de 15.500 exemplares de especies autóctonas, a recuperación dos bordes dos regueiros con especies de ribeira, a consolidación do terreo con restos de poda para que non se produzan escorrentías, a apertura e acondicionamento de 26,6 km de sendas peonís e ciclistas, e a posta en valor de catro miradoiros: dous na zona de Outeiro Navío en Marcón, o da Regha Pireira en Tomeza e o do Couto das Forcadas na Canicouva. Desde este último, poden verse tanto a ría de Pontevedra como a de Vigo. Na contorna de cada un dos miradoiros habilitáronse zonas recreativas e de estancia, con merendeiros e sendas, así como novas plantacións de árbores para crear zonas de sombra, nomeadamente sobre as mesas.

Ademais, tanto o mirador de Outeiro Navío como o do Couto das Forcadas son accesibles para persoas con mobilidade reducida, e os paneis explicativos tamén estarán sinalizados en Braille.

CINCO RUTAS. En canto ás rutas, habilitáronse cinco sendas con diferentes características e dificultades, das cales catro se poden realizar a pé, e dúas en bicicleta de montaña. Están identificadas por cores: vermella (6.950 m), azul (7.810 m), verde (8.560 m), e branca e amarela, ambas con menos de 1 kilómetro cada unha. Todas as rutas son circulares e saen desde o miradoiro de Outeiro Navío, en Marcón, en cuxas inmediacións se habilitaron as zonas de aparcadoiro para coches.

Nestes momentos, tan só quedan por instalar os paneis explicativos, o pintado e marcado das sendas e a delimitación dalgunhas zonas.

Das 406 hectáreas que forman o parque forestal da Fracha, 110,72 están na parroquia de Marcón, 36,88 na de Tomeza e 258,4 na Canicouva (258,40 Ha) e as obras de execución deste proxecto foran adxudicadas á empresa Elsamex por 453.021,69 euros. Convén lembrar que o proxecto do parque forestal periurbano da Fracha está enmarcado nos Fondos Europeos de Desenvolvemento Rexional (FEDER) concedidos a Pontevedra a través da Estratexia de Desenvolvemento Urbano Sostible (EDUSI) “Máis Modelo Urbano Pontevedra”.

O parque forestal da Fracha estará habilitado en abril
Comentarios
ç