domingo. 05.12.2021 |
El tiempo
domingo. 05.12.2021
El tiempo

O Pazo da Cultura estrea este domingo a inscrición telemática para os obradoiros infantís

Unha actuación do alumnado do RockLab con Gonzalo Maceira. R. FARIÑA
Unha actuación do alumnado do RockLab con Gonzalo Maceira. R. FARIÑA

Máis de 300 prazas en RockLab, A procura do tesouro e A hora do conto para nenos de 4 a 17 anos ► Se hai máis demanda farase sorteo

Adeus ás tradicionais colas de persoas, que empezaban a formarse en plena madrugada, para lograr unha das codiciadas prazas nos obradoiros incluidos no MiniPazo Club. Tal como anunciara o ano pasado a concelleira de Cultura, Carme Fouces nesta edición o sistema de solicitude de praza muda radicalmente. Tamén o nome da iniciativa, que pasa a denominarse Obradoiros do Pazo.

Así, as inscricións realizaranse unicamente a través do correo electrónico e o prazo comeza mañá luns, só en canto pase un minuto da vindeira medianoite.

A programación de obradoiros para a rapazada e a xuventude de entre catro e 17 anos que leva a cabo o Concello de Pontevedra no Pazo da Cultura bota a andar ofertando máis de 300 prazas nos obradoiros A procura do tesouro, de Migallas Teatro; A hora do conto, de Pavís Pavós, e RockLab, de Rocklab Team (formado por Gonzalo Maceira, Violeta Mosquera, Laura García e Iago Marta.

As inscricións deberán realizarse só a través do correo electrónico [email protected] entre as 00.01 do 8 de outubro e as 23.59 do día 9, achegando debidamente cuberto e no prazo sinalado, un formulario por neno e actividade.

As follas de preinscrición xa están dispoñibles na web www.pazodacultura.org, onde aparecerán publicadas o día 10 de outubro as listaxes provisionais de admitidos nas diferentes actividades.

Naqueles obradoiros onde a demanda supere a oferta, o día 11 realizarase un sorteo público para a asignación das prazas, priorizando o alumnado que participou en anteriores edicións.

Para as actividades nas que puideran quedar vacantes logo do día 11, os formularios de inscrición permanecerán dispoñibles na web e serán recepcionados a través do mesmo correo.

PREZOS. O Pazo prega a máxima rigorosidade nas idades recomendadas. As crianzas deberán ter cumpridos os anos mínimos de admisión entre o 1 de xaneiro e o 31 de decembro de 2018.

O taller de animación á lectura de Pavís Pavós está pensado para nenos e nenas a partir de catro anos e custará 50 euros nun único pagamento. Os sete obradoiros de expresión dramática, plástica e musical de Migallas Teatro, en función da idade, constan de 22 sesións entre outubro e maio e o prezo é tamén de 50 euros.

Os seis talleres de expresión musical do RockLab Team están indicados para rapazada de entre catro e 13 anos noutros tantos tramos de idade. Neste caso o prezo é de cen euros en dous pagamentos, un ao inicio de cada cuadrimestre. Ao igual que os anteriores, as sesións tamén se desenvolverán entre este mes e maio de 2019.

O Pazo da Cultura estrea este domingo a inscrición telemática para...
Comentarios
ç