Mestura de diálogos tradicionais con cancións populares galegas puxeron a guinda este xoves ao programa festivo das Festas da Peregrina. Chegoulle o turno aos máis cativos. Centos de nenos ateigaron a Praza de España para ruxir cunha actuación moi especial e tradicional: O pequeno Rei da Sabana.
Coas primeiras notas do ciclo sen fin, o público que asistiu á cita coreou animado ás míticas cancións que tamén pertenceron á infancia de seus pais. Maiores e pequenos tiveron a oportunidade de gozar dun espectáculo que segue a unir xeracións.
Logo de dous anos de pandemia, a Boa Vila estase a redimir coa cidadanía coa celebración de espectáculos multitudinarios sen restricións.
Esta obra trátase da primeira adaptación ao galego deste musical tan coñecido. Polo escenario situado na Praza de España desfilaron máscaras, traxes, animais e, por suposto, unha bonita e divertida posta en escena que non deixou indiferente a ninguén. Un evento que, ademais, mantén a esencia do musical que triunfa no Teatro Lope de Vega en Madrid, e que demostrou ser unha función emocionante que mestura música con voces en directo ademais de explicar, dunha forma amena, como é a vida na sabana.
A obra que vén da man da compañía e escola de música e danza Coda, de Vilagarcía, é tamén coñecida polo seu traballo musical de Shrek, de DreamWorks, co que se realizaron actuacións por toda a xeografía galega, e tamén de A familia Adams. Cabe destacar que na súa canteira, esta compañía forma a multitude de bailaríns galegos e galegas que contemplan como saída laboral o mundo do espectáculo.
O musical que segue a liña da historia do coñecido relato El Rey León trata a historia de Simba, que idolatra ao seu pai, o rei Mufasa, o cal tómase moi en serio o seu traballo real. Pero no reino non todos celebran a chegada do novo cachorro. Scar, o irmán de Mufasa e antigo herdeiro ao trono, ten os seus propios plans. A batalla por Pride Rock esta destruída pola traición, a traxedia e o drama, e termina co exilio de Simba. Coa axuda dun curioso par de novos amigos, Simba terá que aprender a madurar e a recuperar o que lle pertence por dereito. Unha historia que arrincou os sorrisos e aplausos do público.
