Domingo. 18.11.2018 |
El tiempo
Domingo. 18.11.2018
El tiempo

O Concello recibe o premio ao modelo de cidade de Agecu en Valencia

Anabel Gulías recolleu o premio
Anabel Gulías recolleu o premio
Gulías explicou aos presentes que toda a transformación urbana comezou hai 18 anos, precisamente polo centro histórico

O Concello de Pontevedra recibiu este luns o premio da Asociación Española para la Gerencia de los Centros Urbanos (Agecu) nun acto celebrado no Concello de Valencia. O galardón foi recibido pola concelleira de Promoción da Cidade, Anabel Gulías que estivo acompañada do presidente e secretario do Centro Comercial Aberto Zona Monumental, Miguel Lago e Ernesto Filgueira, respectivamente.

A concelleira destacou a importancia deste galardón que premia o modelo urbano de Pontevedra. Explicou aos presentes que toda a transformación urbana comezou hai 18 anos, precisamente polo centro histórico, contando co apoio dos comerciantes da zona monumental, dos seus veciños… De aí a presenza dos representantes dos comerciantes neste acto.

Indicou que foi o momento no que se pasou da teoría á práctica, e na que se demostrou que a calidade de vida dunha cidade transformada para os peóns (é dicir, para todo o mundo) é unha cidade exitosa no sector terciario, sendo o comercio local un dos motores da súa economía.

Cabe lembrar que Agecu concedeu a Pontevedra este premio á Iniciativa de intervención no espazo urbano debido ao "proxecto de peonalización do centro histórico da cidade, que permitiu recuperar o espazo público para o cidadán e converter a Pontevedra nun modelo de referencia internacional a nivel de intervención urbana". Agecu reúne a máis de 100 profesionais vencellados e comprometidos co comercio urbano e que constitúe un punto de encontro, unha rede profesional de debate e análise que tenta dar resposta a diversidade de situacións que teñen os centros urbanos no estado (  )

O Concello recibe o premio ao modelo de cidade de Agecu en Valencia
Comentarios