O grupo municipal do PP calificou onte como "miseria" os cartos que o goberno local de Pontevedra destina á única liña de transporte público coa que conta o Concello e que une o casco urbano con Monte Porreiro.
"O BNG non aposta polo transporte público, porque dos cartos orzamentados, só gasta a metade", denunciou Jacobo Moreira.
A formación incidiu en que, dos 86.849 euros previstos para 2016 e 2017, o goberno local só gastou o 53% e que este ano prevé destinar á liña de autobuses unha cantidade menor: 71.849 euros. Outras cidades, como Santiago, invisten case cinco millóns no transporte público, pero Pontevedra 35.000 euros. "Non é unha boa maneira de fomentalo", engadiu Moreira.