O PP faise eco das queixas publicadas nas redes sobre o 'efecto Peñas'

A agrupación pide a instalación de urinarios e contedores
A Praza do Teucro, a pasada fin de semana durante a celebración de 'Peñas'. DP
photo_camera A Praza do Teucro, a pasada fin de semana durante a celebración de 'Peñas'. DP

A agrupación municipal do PP fíxose onte eco das queixas publicadas nas redes sociais nos últimos días sobre as situacións vividas na cidade a causa das noites de Peñas.

Segundo denunciaron os 'populares', foron "decenas" os afectados que lamentaron a imaxe que deu a urbe durante as dúas últimas fins de semana. Entre eles, "vecinos, hosteleros y turistas que dieron parte de los momentos de tensión vividos, la falta de seguridad y hasta enfrentamientos con algunas de las personas que acudieron a los actos festivos".

A agrupación do PP deu a coñecer onte os comentarios que se publicaron nas redes sociais, o que lle serviu para lembrar as súas propostas vinculadas coas festas de Peñas. Entre elas, a concelleira Pepa Pardo apostou por incrementar a presencia policial para vixiar o consumo de bebidas por parte dos máis mozos e por restrinxir os botellóns na zona monumental.

Ademais, solicitou de novo a instalación de urinarios e de contedores e lembrou que varios residentes trasladaron as súas queixas ao ter que limpar os seus portais.

Comentarios