miércoles. 28.10.2020 |
El tiempo
miércoles. 28.10.2020
El tiempo

O PP pon sobre a mesa a humanización do lugar de Liñares

Infografía do proxecto de humanización en Liñares proposto polo PP de Poio. DP
Infografía do proxecto de humanización en Liñares proposto polo PP de Poio. DP
O grupo 'popular' poiense fixo pública onte unha proposta que consiste en dotar ao lugar dun espazo de convivencia e para eventos

O Partido Popular de Poio fixo pública este domingo unha proposta para a humanización do lugar de Liñares, que levará ante o Concello coa intención de que o Goberno local tome en consideración o proxecto e se involucre nel. A proposta elaborada polos populares consiste en equipar o espazo público da zona de Liñares con bancadas resgardadas e outras ao aire libre, co fin de dotar á zona dun lugar onde celebrar actividades e funcións, nas que as bancadas servirían de graderío.

O portavoz do PP de Poio, Ángel Moldes, asegurou que a proposta é "aberta" e convida ao Goberno local a que "consulte cos veciños" o proxecto, xa que "son eles os que van gozar del". "Liñares é un lugar deses lugares de Poio que ten o mesmo dereito e que merece, como outros lugares, que se fagan inversións e se mellore a calidade de vida dos seus veciños e veciñas", explicou Moldes.

A proposta de humanización de Liñares faise con carácter atemporal, xa que os populares de Poio queren contar coa dispoñibilidade do Goberno local para o proxecto. Moldes asegurou que a proposta faise para que o Goberno local "a poida considerar e esté preparado para cando reciba as subvencións de outras administracións". "Aínda así", insistiu o voceiro, "temos claro que a maior inversión ten que ser para servizos básicos como auga e saneamento, pero cos cartos sobrantes pedimos que se fagan este tipo de humanizacións en lugares como Liñares".

O obxectivo, segundo os populares, é que poidan " convivir nenas, nenos, persoas xóvenes e persoas maiores, e que o Concello poida realizar algún evento social ou cultural neste espazo". Angel Moldes destacou que, ademais de servir á veciñanza, a parte "positiva" de levar a cabo esta actuación é que "non tería un custo económico moi elevado".

O PP pon sobre a mesa a humanización do lugar de Liñares
Comentarios