Viernes. 14.12.2018 |
El tiempo
Viernes. 14.12.2018
El tiempo

Apego, os mestres Vitoria Ogando e Anxo González Guerra e a Galipedia, premios Xoán Manuel Pintos 2018

Festa do programa Apego na illa das Esculturas. J. CERVERA
Festa do programa Apego na illa das Esculturas. J. CERVERA

Os galardóns, sen dotación económica, entregaranse nun acto público o 15 de marzo no Pazo de Mugartegui

O programa Apego, unha iniciativa de promoción do galego dirixida a nenos de entre 0 e 6 anos, que involucra ás familias e no que participan 30 concellos galegos; os mestres Vitoria Ogando e Anxo González, responsables da web de ferramentas para o ensino galego.eu, e a Galipedia, a versión en galego da enciclopedia on-line de contido libre Wikipedia, son os gañadores dos premios Xoán Manuel Pintos 2018.

O concelleiro de Normalización Lingüística, Alberto Oubiña, anunciou, xunto a algúns dos membros do xurado do certame, o nome dos galardoados este ano con estes premios do Concello de Pontevedra que recoñecen o traballo a prol do uso do galego.

O Apego recibirá o galardón na categoría de traballo recente, os mestres farano no de traxectoria e a Galipedia recibirá o premio do público, que se concede por primeira vez nesta edición. Os galardóns, sen dotación económiga, entregaranse nun acto público o 15 de marzo no Pazo de Mugartegui.

Apego, os mestres Vitoria Ogando e Anxo González Guerra e a...