Jueves. 20.09.2018 |
El tiempo
Jueves. 20.09.2018
El tiempo

O PSOE afirma que a vaga de calor foi "infernal" e "inhumana" no Hospital

Imaxe de arquivo de familiares de pacientes no interior do hospital. DAVID FREIRE
Imaxe de arquivo de familiares de pacientes no interior do hospital. DAVID FREIRE

Tino Fernández pide ao alcalde que "tome cartas no asunto"

O portavoz do grupo municipal socialista, Tino Fernández, denunciou que as temperaturas que estaban a padecer os pacientes e traballadores do Hospital facían da estancia no mesmo "algo infernal" e que a situación "roza o inhumano". "Os feitos son denunciados cada ano polo persoal do centro sen que a Xunta de Galicia fixera nada por atopar unha solución", engadiu.

Ante esta situación de "pasividade por parte da Xerencia do CHOP" á hora de aliviar a calor que sofren os internados, Tino Fernández demanda que o alcalde de Pontevedra, Miguel Anxo Fernández Lores, "tome cartas no asunto". "O Concello ten que ser sensible aos padecementos da xente. Ten que reaccionar e esixir a búsqueda de solucións inmediatas para o problema", manifestou o portavoz do PSOE, que considera que o papel de Lores debe ser o de "liderar a reivindicación dunha solución", pero recoñece que "esta é unha cuestión que traspasa os lindes do noso concello". "Os demais alcaldes deberían ser sensibles e apoiar esta demanda", concluíu.

Os socialistas presentan unha solicitude na que instan ao rexedor a esixir á Xunta a adopción de medidas urxentes para rematar co problema das elevadas temperaturas no Hospital Provincial e a trasladar esta demanda a todos os alcaldes da Área Sanitaria Norte "co obxectivo de que mostren o seu apoio e remitan escritos á Xunta esixindo solucións inmediatas". Agardan que isto poida conducir á "solución do problema de xeito definitivo".

O PSOE afirma que a vaga de calor foi "infernal" e "inhumana" no...
Comentarios