viernes. 20.05.2022 |
El tiempo
viernes. 20.05.2022
El tiempo

Quero unha foto xunto a Papá Noel!

Participantes no obradoiro das Galerías Oliva. RAFA FARIÑA
Participantes no obradoiro das Galerías Oliva. RAFA FARIÑA
O programa de lecer infantil Pontexogos chega ás Galerías Oliva cun obradoiro de traballos manuais para crear un recordo de Nadal en compañía do personaxe de Laponia

Unha fotografía xunto a Papá Noel nun sobre con forma de reno. Ese foi o recordo que levaron este mércores os nenos que participaron nas actividades organizadas polo programa Pontexogos nas Galerías Oliva.

Os obradoiros infantís, que teñen o seu centro neurálxico na Avenida Raíña Vitoria, espállanse por toda a cidade con actividades en barrios como Monte Porreiro, A Parda e Campolongo.

Este mércores era a quenda das Galerías Oliva. Papá Noel aproveitou a súa estancia na cidade para recibir alí aos pequenos de Pontevedra, recoller as súas cartas e facer unha foto con eles. Os pequenos participantes aproveitaron para contarlle ao recén chegado de Laponia o ben que se portaron este ano e, a continuación, elaboraron un brillante sobre con forma de reno para gardar o recordo da fotografía xunto a Papá Noel. Ademais, decoraron a imaxe de recordatorio, que imprimiron no momento, con purpurina e cores.

GALERIAS OLIVA DE 17 A 19 00 ACTIVIDADES PARA NIÑOS

As actividades nas Galerías Oliva repetiranse este xoves, este venres (de 11:00 a 19:30 horas) e o 27, 28 e 29 de decembro polas tardes. O 30 de decembro, entre as 17:00 e as 19:00 horas, as actividades desprazaranse ao Centro Cultural da Parda. O 3 de xaneiro, levaranse a cabo obradoiros no centro cultural de Monte Porreiro e o 4 de xaneiro no Centro Cultural de Campolongo e na Praza da Liberdade.

Pontexogos estará tamén nas parroquias rurais. De feito, este mércores celebráronse obradoiros no local social de Verducido e este xoves repetiranse no Centro Cultural de Lérez. Ademais, o 30 de decembro as actividades chegarán a Xeve e o 4 de xaneiro a Cerponzóns.

As actividades estenderanse tamén por barrios e parroquias

Entre os talleres e actividades previstas figuran algunhas cos nomes O bosque dos elfos e das elfas pintoras, un photocall-obradoiro para fotografarse con personaxes do Nadal e elaborar divertidos imáns con estas imaxes, o taller Ecoadornos, onde se elaborarán copos, bonecos de neve ou árbores con cortiza e materiais de reciclaxe, O establo dos renos/camelos lambóns, A texeduría dos calcetíns máxicos ou A fábrica dos xoguetes.

Ademais, tanto Papá Noel como os Reis Magos estarán presentes nalgunhas das actividades que se leven a cabo.

Quero unha foto xunto a Papá Noel!
Comentarios