martes. 25.02.2020 |
El tiempo
martes. 25.02.2020
El tiempo

Quique González enche e conmove o Pazo da Cultura

O cantautor madrileño Quique González durante o seu concerto en Pontevedra. RAFA FARIÑA
O cantautor madrileño Quique González durante o seu concerto en Pontevedra. RAFA FARIÑA
O artista español viviu unha noite máxica xunto cos espectadores que se congregaron no auditorio do Pazo

Cun cheo absoluto (as entradas levaban días esgotadas) recibiu Pontevedra, onte, ao cantautor madrileño Quique González, que foi o encargado de abrir este ano o ciclo Voices no Pazo da Cultura. O artista presentou en directo os temas do seu último traballo, Las palabras vividas, un proxecto que desenvolveu xunto ao seu amigo, o poeta Luis García Montero.

González conmoveu ao público que ateigaba o auditorio do Pazo da Cultura cunha proposta intensa e intimista centrada na interpretación das cancións que xurdiron ao musicar os versos escritos ex profeso polo autor granadino para este disco.

"Las palabras vividas é unha obra inusual, na que Quique González se enfronta quizais a un dos maiores retos da súa carreira, o de asumir como propia a voz do seu amigo Luis García Montero que, á súa vez, cede o seu corazón poético para que palpite no peito do músico", explicaban as promotoras do ciclo, Art Music e i-Radia Crea, sobre a proposta.

O de Quique González é o primeiro concerto do ciclo Voices, que continuará en xuño cos norteamericanos The Jayhawks e rematará en outubro da man de Guadi Galego, que pechará en Pontevedra a xira de Immersion.

Quique González enche e conmove o Pazo da Cultura
Comentarios