lunes. 23.09.2019 |
El tiempo
lunes. 23.09.2019
El tiempo

A reforma de Benito Corbal remata esta semana co asfaltado da rúa

Afectación do tráfico no remate das obras de Benito Corbal. DP
Afectación do tráfico no remate das obras de Benito Corbal. DP

O martes haberá restriccións de tráfico para levar a cabo os traballos

A reforma de Benito Corbal chega ao seu fin. Esta semana está previsto o seu remate co asfaltado de toda a rúa, dende Cobián Areal até Sagasta, que se fará de martes a xoves, ambos días incluídos.

No caso de acabar antes, abrirase a rúa totalmente ao tráfico. O martesestá previsto que a empresa adxudicataria da reforma, E.C.Casas traballe no espazo que está actualmente pechado ao tráfico (Blanco Porto-Cobián Areal) fresando toda a superficie.

Segundo informa o Concello, será a partir das 11.00 da mañá cando se realicen as modificacións de tráfico para poder traballar en toda a rúa, deixando libre o cruzamento de Blanco Porto con Benito Corbal para deixar a entrada ao centro dende San Antoniño e Javier Puig.

O acceso farase por Blanco Porto, Cruz Gallástegui e Sagasta, se se quere continuar cara Barcelos. A restricción de estacionamento será en toda a rúa a partir das 08.00 horas do martes.

A reforma da rúa Benito Corbal, adxudicada a E.C.Casas por 147.587,89 euros e un prazo de catro meses, comezou o pasado 14 de xaneiro, coincidindo co final das festas de Nadal e arrancado o período de rebaixas, e remata en prazo atendendo ás necesidades técnicas

As beirarrúas incrementaron a súa sección a máis de 4 metros de ancho e a calzada pasou a ser de 3,20 metros. O estacionamento quedou na marxe dereita (no sentido da circulación) que será de servizos e carga e descarga.

O cruzamento das rúas Branco Porto e Benito Corbal será un paso elevado na súa totalidade. 

A reforma de Benito Corbal remata esta semana co asfaltado da rúa
Comentarios