O cruceiro de Casas Novas atópase xa no seu novo emprazamento. O elemento patrimonial, que resultara danado nun accidente ocorrido en abril de 2017 no que un turismo impactou contra el, foi restaurado por unha empresa especializada, que foi tamén a encargada de reinstalalo outra vez na parroquia de Mourente.
O traslado fora xa pedido pola Asociación de Veciños, que o vían o máis axeitado para evitar novos accidentes e conservar deste xeito a estrutura. Para levar a cabo esta tarefa, o Concello tivo que solicitar autorización á Dirección Xeral de Patrimonio, que deu o seu visto bo sempre e cando se circunscribise á mesma área. Así, a tarefa pudio levarse a cabo grazas á cesión por parte dun veciño dun anaco do seu terreo, que a devandita empresa acondicionou.
Esta actuación engádese á rehabilitación do cruceiro do adro da igrexa da mesma parroquia en outubro de 2019.
