No evento competían Jorge Gago, do restaurante A Maceta (Santiago); Daniel Bastos, do restaurante El Italiano Feo (Vigo); Gabi Conde‐Corbal, de Portovello (Ourense); José Luis Pardo Baamonde; de El Boni (Lugo); Pablo Fuentes, de La Bodega de Estrella (Ferrol); Rubén González, de El Cafetín de la Alameda (Pontevedra); y Álvaro Victoriano, de Intenso Cocina Peculiar (A Coruña); gañadores dos concursos de tapas das sete maiores cidades.
"Podemos presumir de grandes chef e grandes produtos", dixo no peche do evento a directora de Turismo, Nava Castro, destacando a creatividade dos cociñeiros de Galicia. "Temos estrelas Michelin, Soles Repsol e, sobre todo, xente que sabe combinar a cociña tradicional e a innovación". "Síntome orgullosa cando vou fóra de Galicia de presentar as propostas destes grandes profesionais que viven as 24 horas mimando a nosa gastronomía", concluíu.Premio do público
O público asistente á gala galardoou a proposta de Rubén González Vallejo, de El Cafetín de Pontevedra. A proposta de González é unha homenaxe ao mar. Mare Nostrum semella un pequeno anaco de océano contido nunha mínima peixeira. Baséase no mexillón e o berberecho, acompañados por unha selección de algas e herbas mariñas.Premio do Xurado
A proposta de Jorge Gago de A Maceta de Santiago foi a gañadora do premio do xurado. Foi a única receita doce da noite, un Cheesecake actualizado a base de puré de framboesa e cereixa endurecido con pectina, sobre o que se deposita, nun molde, a crema da torta de queixo do Cebreiro con pemento, nata e azucre.
O concurso De Tapas por Galicia busca promover a creatividade gastronómica, especialmente a presentada en pequeno formato, como elemento dinamizador do turismo urbano. Os Camiños de Santiago foron o fío condutor da gala.