miércoles. 19.01.2022 |
El tiempo
miércoles. 19.01.2022
El tiempo

O Teatro Principal acolle a estrea da curtametraxe 'Estatus'

As portas para poder ver Estatus abriranse ás 20.30 horas deste mércores
As portas para poder ver Estatus abriranse ás 20.30 horas deste mércores

O reparto está formado por intérpretes coñecidos como Fran Paredes, Susana Sampedro e Laura Ponte.

Estatus, unha curta dirixida polo estudante de Comunicación Audiovisual Ricardo Araújo, que vén de triunfar no FIC Bueu, proxectarase este mércores no Teatro Principal de Pontevedra.

A peza, nacida no seo da materia Guión, produción e realización de ficción, narra "a historia dunha familia poderosa, obrigada a tomar unha decisión que pode marcar a súa posición dentro dunha sociedade distópica, gobernada por un sistema controlador, na que ninguén pode ocultar a característica máis esencial do seu ser, o seu status".

A súa proxección verase complementada nesta presentación por un making of, actuacións musicais e un coloquio co equipo técnico, formado por doce persoas. Tamén confirmou a súa asistencia unha das actrices, Laura Ponte. O elenco está formado por recoñecidos intérpretes, como Fran Paredes, Susana Sampedro, Fernando Tato e a propia Ponte, todos eles populares, por exemplo, por aparecer nalgún momento na serie Serramoura da TVG. Completa o elenco o pequeno Diego González.

As portas abriranse ás 20.30 horas e terá lugar a actuación musical de Dani Cornes. A continuación proxectarase a curta e o making of e desenvolverase o coloquio co equipo técnico. A actuación de Los Txapuzas pechará o acto. A entrada é libre.

O Teatro Principal acolle a estrea da curtametraxe 'Estatus'
Comentarios