Jueves. 23.05.2019 |
El tiempo
Jueves. 23.05.2019
El tiempo

Villares pide un papel "activo" das administracións para visibilizar a realidade LGTBI

Luís Villares no acto celebrado este mércores en Pontevedra. RAFA FARIÑA
Luís Villares no acto celebrado este mércores en Pontevedra. RAFA FARIÑA

Villares fai un balance "bastante pobre" da lei galega de LGTBI. "Foi unha oportunidade, pero todo o contido quedou por desenvolver"

O portavoz de En Marea, Luís Villares, afirmou que a lei pola igualdade de trato e a non discriminación de lesbianas, gais, transexuais, bisexuais e intersexuais (LGTBI) de Galicia aprobada pola Xunta en 2014 "foi unha oportunidade, pero catro anos despois o balance é bastante pobre porque prácticamente todo o contido quedou por desenvolver". 

Ademais, Villares demandou un papel "activo" das administracións desde o punto de vista da "concienciación social cara a esta realidade". 

Durante un encontro en Pontevedra con representantes de organizacións de LGTBI como AmiZando ou a Asociación Arelas de Familias de Menores Trans, a candidata ao Congreso por esta provincia, Iris Malvido, apostou por "potenciar a diversidade sexual e de xénero" con propostas como a aprobación dunha lexislación en materia de LGTBI a nivel estatal. Pide que a nivel institucional se aborde a formación de profesionais dos ámbitos sanitario e educativo para "abordar o acoso escolar que sofren" as persoas destes colectivos. 

Entre os participantes, Aura Leirós rexeitou que "desde fai tanto tempo se estea bloqueando" o desenvolvemento da lei galega e advertiu de que "os populismos están arrasando" e poden constituír unha "seria ameaza" para as persoas LGTBI. 

Tamén destacou que España presenta "a terceira maior taxa a nivel europeo de asasinatos de transexuais e de suicidios" pola falta de accesibilidade aos tratamentos hormonais. Cita como exemplo o caso de Ekai, o adolescente transexual que se quitou a vida en Ondarroa o pasado ano. 

No encontro, ao que se sumou Jorge Lorenzo, de Marea Ourense, Luís Villares apelou a "abordar de forma inmediata", tanto a nivel estatal como autonómico, un protocolo contra o acoso escolar e a "LGTBI-fobia". A nivel sanitario, criticou que "o sistema non está preparado" para atender as necesidades dos menores transexuais galegos "cando empezan a manifestar a súa situación". Tamén reclamou que o Sergas asuma "sen burocracia" as operacións de cambio de sexo no seu catálogo de prestacións. 

"Hai unha invisibilización grande sobre a realidade LGTBI", explicou o portavoz de En Marea, que insistiu sobre a posta en marcha de "campañas específicas" de concienciación social. "O rexeitamento ten que ver co descoñecemento, por iso as administracións teñen que envorcarse con esta situación e normalizarla", engadiu. 

Villares pide un papel "activo" das administracións para...
Comentarios