lunes. 20.09.2021 |
El tiempo
lunes. 20.09.2021
El tiempo

Unha vintena de rapaces participan esta semana en 'Pontevedra polos catro costados'

Rapaces participantes en 'Pontevedra polos catro costados'. DP
Rapaces participantes en 'Pontevedra polos catro costados'. DP
A actividade inclúe camiñadas, percorridos en bicicleta, rutas en kaiak, e paseos polas terrazas máis emblemáticas da cidade

Participantes en 'Pontevedra polos catro costados'. DPDous grupos de rapaces de entre 7 e 15 anos están a participar na actividade de Ponteverán 'Pontevedra polos catro costados'. Este mércores, a actividade consistiu nun percorrido en bicicleta que tivo por destino a Illa das Esculturas, onde realizaron diferentes xogos deportivos. "O obxectivo é que ao longo desta semana, e a través dunha serie de propostas que combinan xogos e deporte, os 18 rapaces e rapazas participantes percorran a cidade desde distintas perspectivas", explica o Concello nun comunicado.

O luns e o martes, e a pesares da chuvia, as actividades desenvolvéronse con normalidade. O primeiro día realizáronse xogos polas diferentes prazas, aproveitando especialmente o abrigo dos soportais, e o martes subiron ás terrazas máis emblemáticas da cidade.

A sesión do xoves estará dedicada a percorrer o río Lérez en kaiak e o venres rematará cunha ruta urbana na contorna do río Gafos ata chegar a Tomeza.

Nesta edición do Ponteverán,  organizado pola Concellaría de Xuventude, todas as actividades se adaptaron á situación sanitaria, establecendo normas de prevención e medidas de hixiene e distanciamento social, grupos reducidos e priorizarando actividades ao aire libre.

Unha vintena de rapaces participan esta semana en 'Pontevedra polos...
Comentarios
ç