O espazo infantil O Ganapán retoma esta fin de semana a súa actividade con novos obradoiros no Mercado de Abastos de Pontevedra. Tal e como sinala a concelleira de Promoción Económica, Yoya Blanco, os talleres están destinados a nenos e nenas de 4 a 10 anos e "desenvolveranse o sábado 16 e o domingo 17 de xaneiro en dúas sesións, ás 11.00 e ás 12.30 horas".
En concreto, segundo explica Blanco, "na xornada do sábado haberá un Espazo Gastro no que se preparán e degustarán cocadas cunha receita moi saborosa e nutritiva, e un Espazo Crea, no que os rapaces deixarán voar a súa creatividade para elaborar coloridos avións con pinzas e paus de xeado".
Os participantes nos obradoiros deberán inscribirse na dirección de correo [email protected]
"Para o domingo", continúa a socialista, "está previsto degustar unha receita de panini diferente, divertida e sorprendente no Espazo Gastro e un taller baixo o título de Sementar, sementarei! no Espazo Crea, no que se empregarán caixas de ovos de cartón para convertelas en pequenas sementeiras".
Todos aqueles nenos e nenas que queiran participar poderán inscribirse a través do correo electrónico [email protected].