A xornalista do Diario de Pontevedra Sara Vila leu este luns no pleno do Concello de Pontevedra un manifesto institucional con motivo da celebración do Día da Eliminación da Violencia Contra a Muller, que terá lugar este mércores 25 de novembro.
"O que pedimos é tan sinxelo que nin sequera cómpre perder o tempo explicándollelo aos que non o queren entender. Queremos vivir en paz", resaltou Vila no seu discurso.
Vila solicitou o "compromiso das Administracións", lembrou que "as folgas do 8M amosaron que xa non tragamos máis" e engadiu que "existen redes de solidariedade" que "nos recordan que a vida máis alá do maltrato merece a pena".
