A concelleira de Promoción Económica e Turismo, Yoya Blanco, acudiu a visitar o centro especializado en tratamentos do cabelo de María José Pazos, empresaria moi activa da plataforma #PonteLovers, rexistrada no marketplace 'E-Ponte.com' e participante no salón Rizando o Rizo. Segundo informa o Concello nun comunicado, Blanco aproveitou para relaxarse durante uns minutos e facerse un diagnóstico do seu cabelo no local situado na rúa Francisco Tomás y Valiente, nas inmediacións dos Xulgados da Parda.
Pazos convidou á edil socialista a pasarse outro día para desfrutar "dunha experiencia orgánica completa".
"A responsable deste establecemento soubo reaccionar dende un primeiro momento ás visicitudes deste contexto tan difícil, amosando que é unha verdadeira #PonteLover e sumando algo máis que un grao de area ás diversas iniciativas deseñadas pola plataforma da Concellería de Promoción Económica", afirmou Blanco.
