Os mozos de Vigo teñen a partires de hoxe un novo "Punto Xove" na rúa López de Neira, que se unen ós outros dous centros existentes na cidade, xunto cos de O Castro e a Casa da Xuventude. A alcaldesa, Corina Porro, destacou que a intención deste novo local é "incrementar as vías de intercambio e colaboración entre a xuventude e as institucións municipais".
O local supuxo unha inversión de 120.000 euros e está dividido en dúas plantas. Na primeira está a oficina de información e asesoramento xuvenil, con personal técnico especializado e unha zona de autoconsulta. Na segunda, os mozos dispoñen dun servizo de acceso gratuito a Internet con equipamento de última xeración e unha sala multiusos para o desenvolvemento de actividades culturais e formativas. O centro complétase ademais cun rincón artístico para exposicións e un acceso ó fondo documental.
Novo "Punto Xove" para os mozos de Vigo
