Un bebé de 11 meses tivo que ser trasladado ao centro de saúde de Bertamiráns como consecuencia dun incendio declarado nunha vivenda do municipio coruñés de Ames. O lume orixinouse por un ferro que queimou unha peza de roupa.
O lume foi apagado coa axuda de extintores polas testemuñas que presenciaron as chamas no inmoble, situado na avenida da Mahía, en Bertamiráns, segundo informa o 112.
O alertante foi un particular, quen ás 20.30 horas deste xoves avisou aos servizos de urxencias sobre un incendio na casa dunha veciña por mor dun ferro. Este tamén asegurou que non había persoas feridas, pero que a dona trataba de apagar o lume con extintores e que había un bebé dentro da vivenda.
Seguidamente, os xestores do 112 Galicia alertaron aos membros do GES de Brión, que, nada máis chegar ao momento, aínda que se atoparon co lume xa apagado, solicitaron a asistencia sanitaria para o bebé por precaución. Así mesmo, o 112 informou do sucedido aos bombeiros de Boiro e Santiago e á Policía Local.
