Un home resultou ferido este xoves de madrugada en Mos ao saírse da vía na recta dos Molinos, na A-55. Segundo informa o 112, o sinistro produciuse arredor das 02.30 horas.
Foron mobilizados o 061-Urxencias Sanitarias e á Garda Civil de Tráfico. Ademais, informouse aos Bombeiros de Baixo Miño, de Vigo e aos membros do Servizo de Emerxencias Municipal de Mos.
Tras chegar ao lugar, os Bombeiros indicaron que non foi preciso excarcerar ao ocupante pero si axudaron na evacuación do condutor, ao estar a porta do turismo atrancada. Finalmente, o ferido foi trasladado nunha ambulancia do 061-Urxencias Sanitarias ata o Hospital Álvaro Cunqueiro de Vigo.
