Renfe suspende os trens entre Vigo e O Porto desde este domingo

O peche de fronteiras entre España e Portugal non é alleo ao transporte ferroviario
Estación de Vigo-Urzaiz. EFE
photo_camera Estación de Vigo-Urzaiz. EFE

Renfe suspenderá desde este domingo os servizos ferroviarios entre Vigo e O Porto debido ao peche de fronteiras anunciado por Portugal para facer fronte á expansión do covid-19.

Fontes da operadora ferroviaria trasladaron a Europa Press que esta decisión afectará a dous trens, un por sentido, entre Vigo e O Porto, que se recuperaron o pasado 16 de agosto. A empresa devolverá o importe dos billetes a todos os viaxeiros do traxecto.

O Goberno luso procederá ao peche da fronteira con España durante un prazo inicial de dúas semanas, nun intento por conter a expansión da pandemia de coronavirus que alcanzou niveis sen precedentes no territorio durante este mes.