Imprimir

Atropela un traballador dunha gasolineira na Laracha e dáse á fuga

Europa Press | 18 de febrero de 2020

Gasolineira Avia, na Laracha. GOOGLE MAPS
Gasolineira Avia, na Laracha. GOOGLE MAPS
O empregado resultou ferido e foi evacuado ao CHUAC

Un traballador dunha gasolineira Avia da Laracha, situada na estrada que une este municipio e Carballo, resultou ferido este martes ao ser atropelado por un vehículo que se deu á fuga sen pagar. 

Segundo informou a Europa Press o encargado do establecemento, os feitos producíronse sobre as 19.00 horas deste martes cando o vehículo, un Volkswagen Golf, fuxiu do lugar arroiando o traballador. 

Debido ao impacto, o home foi evacuado nunha ambulancia ao Complexo Hospitalario Universitario da Coruña (CHUAC) para recibir atención médica. 

Pola súa banda, fontes policiais informaron a Europa Press de que as primeiras hipóteses apuntan a que se trata dun vehículo que previamente fora subtraído. 

Ao lugar acudiu a Policía Local do municipio e a Garda Civil, que investiga o ocorrido. 

Puede ver este artículo en la siguitente dirección /articulo/galicia/atropela-traballador-dunha-gasolineira-laracha-dase-fuga/202002182110101073987.html


© 2020 Diario de Pontevedra

Lepanto 5, Pontevedra

Tlfno: 986 011 100

(Grupo El Progreso)