O Goberno local de Barro vén de presentar a campaña de Nadal para fomentar o consumo no municipio. "Na actual situación de crise saniataria, púxose aínda máis de manifesto a necesidade de contar cun comercio local e de proximidade forte, xa que o seu servizo foi fundamental para atendar as necesidades básicas da poboación durante os meses máis complicados da pandemia", indica o equipo de Xosé Manuel Fernández Abraldes, que destaca ademais que estes comercios son elementos chave na dinamización económica.
Para a pervivencia das pequenas empresas do concello será importante que este ano, no posible, a campaña de Nadal multiplique as posibilidades de negocio das empresas e permita compensar as perdas ou malas cifras dos meses anteriores. Deste xeito, e tal e como anunciou o Goberno Local, as accións deste ano xirarán en torno aos lemas Polo Nadal comercio local e Barro de escaparate.
Na primeira iniciativa, presentada esta semana, participarán máis de sesenta establecementos do municipio, que desde o día 10 de decembro e ata o 6 de xaneiro podeán animar aos seus clientes a consumir entregando rifas para sortear lotes de produtos. Cada comerciante contará con un lote a sortear no seu establecemento, e poderá entregar boletos a todos aqueles clientes que superen os cinco euros de consumo.
A outra iniativa leva por nome Barro de escaparate e consistirá nun corcurso de escaparates que repartirá 450 euros en premios entre os establecementos que presenten a mellor ambientación navideña nas súas fachadas, escaparates ou espazos comerciais. Esta proposta permitirá aos comerciantes engalanar os seus establecementos e motivarse para ofrecer a mellor imaxe, como colectivo de cara á clientela local.
