A comisión de Cultura do Concello de Pontevedra aprobou este xoves por maioría poñer os nomes de Ernestina Otero, Dolores Trabado e Vasquida García no rueiro de Tafisa.
Con este paso, agora queda pendente a aprobación no pleno municipal e xa sabe que polo menos PSOE, BNG e Ciudadanos apoiarán a proposta.
A comisión deu luz verde a poñer estes nomes ás novas rúas do polígono de Tafisa, e o de María Vinyals á zona verde diante da Xunta de Galicia.
A concelleira de Cultura, Carmen Fouces, explicou ao remate da comisión que existe un acordo plenario de xullo de 2015 de manter a galeguización e toponimia das novas rúas do Concello, pero incorporando a feminización no rueiro.
PSOE, BNG e Ciudadanos votaron a favor e PP e Marea abstivéronse
Seguindo esta directriz, e tendo en conta que xa era necesario darlle nome ás novas rúas de Tafisa porque xa existe unha licenza de construción dos dous primeiros edificios, a concelleira levou á comisión a propostas destes catro nomes, incluídos no acordo municipal do ano 2015 que recollía 30 nomes (a posteriori incorporáronse tres máis do grupo Marea).
A rúa principal levará o nome da mestra e pedagoga Ernestina Otero Sestelo. Une José Malvar, coa que será a futura conexión de Monte Porreiro polos Campos, e daralle nome á rúa na que -tamén no futuro- se construirá a facultade das Belas Artes.
Outras rúas serán Dolores Trabado, a primeira muller taxista do Estado; e Vasquida García, unha menciñeira queimada nos Séculos Escuros. O xardín diante da Xunta de Galicia recibirá o nome da escritora María Vinyals.
municipais que este xoves xa se posicionaron sobre esta proposta. Cs, BNG e PSOE votaron a favor; e PP e Marea, abstivéronse.
A intención da concellaría de Cultura é organizar unha homenaxe pública da Corporación a estas mulleres no mes de marzo.