Todos somos superheroes. Iso é o que nos di o CEIP Santo André de Xeve nun emotivo vídeo publicado este mércores e no que o centro pontevedrés agradece o labor de todos os cidadáns na loita contra o coronavirus.
Panadeiros, limpadores, fontaneiros, empregados de gasolineira, persoal sanitario... Todos os traballadores poden poñer o seu gran de area para gañar a batalla contra o virus, por iso os nenos e nenas do colexio de Xeve queren ser #DeMaiorSuperheroe.
