A Policía Local de Poio procedeu esta semana á detención dun home, de 28 anos de idade, como presunto responsable dunha agresión machista contra a súa parella Como consecuencia do ataque, a muller tivo que ser atendida nun centro de saúde ao sufrir feridas de carácter leves.
Os feitos tiveron lugar o pasado 4 de agosto no propio domicilio da parella, situado nunha céntrica rúa da parroquia de San Salvador. A detención produciuse ao fío das 11.00 horas e nesa mesma xornada xa foi posto a disposición xudicial. A suposta agresión tivo lugar en presencia dun menor, un bebé de corta idade.
A tramitación destas dilixencias levouse a cabo a través da plataforma Xespol, que desde principios de ano inclúe un acta de campo específica para cuestións vencelladas a casos de violencia machista, o que permite aos axentes recabar datos no lugar dos feitos, axilizando, deste xeito, todo o proceso administrativo.
Poio foi un dos concellos de Galicia pioneiros á hora de utilizar esta ferramenta, deseñada por dous axentes da Policía Local de Carballo.
