Imprimir

Detido en Pontevedra por agredir a súa parella, que estaba embarazada

Redacción | 26 de septiembre de 2020

Dotacións da Policía Local de Pontevedra. ADP
Dotacións da Policía Local de Pontevedra. ADP
A vítima presentaba diversas feridas visibles na cara e nunha man

A Policía Local de Pontevedra detivo este venres de madrugada a un home acusado de agredir á súa parella en avanzado estado de xestación nun edificio da cidade.

Segundo o atestado da detención, a Policía Local acudiu ao lugar dos feitos tras recibir unha chamada dun veciño do mesmo edificio, que indicou que estaban a escoitar berros dunha muller que parecían corresponder a unha agresión.

A vítima relatoulle aos axentes que non é a primeira vez que é agredida polo detido, que nesta ocasión a tirou na cama e a golpeou reiteradamente no solo suxeitándoa cun xeonllo para que non puidese incorporarse.

Segundo explica a Policía Local, a muller indicou que agresión continuou case ata o mesmo momento da chegada dos axentes.

A vítima presentaba diversas feridas visibles na cara e nunha man a consecuencia dos golpes e tamén se atopaba nun alto estado de nerviosismo, polo que foi trasladada ao Hospital Provincial  en ambulancia.

Os axentes procederon á detención do presunto agresor, tras informalo dos feitos que se lle imputan así como dos seus dereitos.

Puede ver este artículo en la siguitente dirección /articulo/pontevedra/detido-pontevedra-agredir-sua-parella-embarazada/202009261356061105445.html


© 2020 Diario de Pontevedra

Lepanto 5, Pontevedra

Tlfno: 986 011 100

(Grupo El Progreso)