Un veciño de Vigo foi detido este sábado en Poio por un roubo con forza nun vehículo estacionado no centro comercial de A Barca. Segundo informa a Policía Local, nunha taquilla do propio centro comercial localizáronse varios obxectos roubados, entre eles a documentación do coche forzado. E nun bolso que portaba o home no momento da detención había máis obxectos.
Ademais fóronlle intervidas tres chaves de coches de diferentes marcas, documentos con ata cinco identidades diferentes e varias carteiras, posiblemente de roubos en outros vehículos.
A víctima do roubo no centro comercial identificou varios obxetos que portaba o detido, entre eles unha chaqueta, unhas gafas, unha colonia e un pixama.
Investígase agora a suposta participación do detido en máis roubos. Pasará a disposición xudicial unha vez finalizada a investigación.
