Os servizos sanitarios de emerxencias atenderon na tarde deste luns a condutora dun turismo que bateu contra unha casa na N-525 en Silleda, na parroquia de Santa Baia. As dificultades para sacar a ferida do vehículo obrigaron a intervir os bombeiros, aínda que non chegaron a empregar o equipo de excarceración.
Foi a propietaria da vivenda quen contactou coa central 112, para explicar —arredor das cinco da tarde— que un turismo estaba encaixado na galería da súa casa. O persoal do centro pediu a colaboración dun equipo do 061 para atender a condutora, que permanecía no vehículo. Ademais, mobilizáronse os Bombeiros do Deza, a Garda Civil de Tráfico e persoal de limpeza e mantemento da vía.
