O triatleta Javier Gómez Noya cambiou este venres as zapatillas de correr pola guitarra, outra das súas afeccións, para interpretar co grupo Malkeda temas do último disco, Cumulonimbo, que xa grabara con eles en 2017. Foi na Praza España de Pontevedra.
Deste xeito, o único quíntuple campeón do mundo da historia do triatlón, catro veces ouro europeo e prata nos Xogos de Londres 2012 subiu ao escenario no marco do ciclo Barullada de Rock.
Malkeda presentou o seu último single Este rincón, gravado durante a corentena.