Habrá coalición única del rupturismo y Anova encabezada por Gómez Reino

Los nacionalistas tendrán el número uno por Lugo
Antón Gómez Reino, en una imagen de archivo. EFE
photo_camera Antón Gómez Reino. EFE

Podemos Galicia, Esquerda Unida, Anova e as principais mareas municipais acudirán finalmente xuntos ás eleccións autonómicas do 5 de abril, nunha coalición que se rexistrou cando estaba a piques de concluír o prazo. Foi tras unha xornada de intensas negociacións entre as direccións dos partidos ao discrepar sobre a repartición de postos nas listas electorais, sobre todo nas provincias da Coruña e Pontevedra.

Rexistráronse coa marca Galicia En Común-Anova-Mareas, que terá como candidato á presidencia da Xunta a Antón Gómez Reino, líder de Podemos na comunidade e deputado en Madrid. Sería cabeza de lista pola Coruña. 

Igual que ocorrera en 2016, a deste venres foi unha negociación con todos os ingredientes marca da casa: apurando os últimos minutos do prazo para rexistrar coalicións, que expiraba a medianoite e coa repartición de postos como principal escollo. A última hora outro dos flocos que quedaban pendentes na mesa tiñan que ver coa marca. 

Con Gómez Reino confirmado como número un A Coruña, Anova reivindicaba para si o dous, promocionando á concelleira compostelá Marta Lois, de máxima confianza de Martiño Noriega. Con todo, parece que será finalmente Luca Chao, unha das mulleres fortes de Podemos Galicia. Este esquema reproduciríase tamén en Pontevedra, onde Eva Solla encabezaría a lista con Oriana Méndez de segunda e Marcos Cal de terceiro, mentres que en Ourense todos os datos apuntaban este venres a David Bruzos como número un. 

Anova lideraría a candidatura por Lugo. Aínda que o referente lucense do partido de Beiras é o seu amigo persoal Miguel Anxo Fernán-Vello, que xa foi deputado en Madrid, non se descartaba outra opción. 

Está por ver se Martiño Noriega irá finalmente nas listas.

Pablo Iglesias, Yolanda Díaz e Beiras implicáronse no diálogo

COALICIÓN ÚNICA. Para configurar as listas queda tempo e este venres o verdadeiramente relevante era apontoar a coalición única para o 5-A. O proxecto común recibiu esta semana o aval das mareas municipalistas, Compostela Aberta e Marea Atlántica, pero tamén das bases dos partidos. De feito, os inscritos de Podemos Galicia arrouparon a iniciativa cun 83,8% dos votos. 

IGLESIAS, DÍAZ E BEIRAS. Os contactos nesta última semana antes de pechar o prazo para rexistrar coalicións foron vertixinosos, con encontros de varias horas entre os referentes de Podemos e Anova, Gómez Reino e Noriega, respectivamente. Con todo, o verdadeiro achegamento de posturas fraguouse a 600 quilómetros de distancia, igual que ocorrera nas eleccións de 2016. 

A razón é que no diálogo implicáronse o vicepresidente do Goberno e líder de Podemos, Pablo Iglesias; a ministra de Traballo, a ferrolá Yolanda Díaz, de Esquerda Unida; e o histórico nacionalista Xosé Manuel Beiras, de Anova.

Comentarios