Ketama, Mala Rodríguez, Susana Seivane e Tequila abrirán as festas de María Pita

A estes concertos sumaranse iniciativas como a 33 edición do Festival Noroeste Estrella Galicia ou o XXII Salón Internacional do Cómic Viñetas desde o Atlántico

Mala Rodríguez. INSTAGRAM
photo_camera Mala Rodríguez. INSTAGRAM

Ketama, Mala Rodríguez, Susana Seivane e Tequila abrirán as festas de María Pita da Coruña na primeira semana de agosto, segundo informou o goberno local. 

A Orquestra Sinfónica de Galicia, a Banda Municipal, a Escola Municipal de Música, a Orquestra Gaos, acompañada de Borja Quiza e a Garufa Blue Devils Band con Sito Sedes serán os protagonistas na semana do 12 ao 18 de agosto. 

A iso, sumaranse iniciativas como a 33 edición do Festival Noroeste Estrella Galicia ou o XXII Salón Internacional do Cómic Viñetas desde o Atlántico. 

Trátase, segundo o goberno municipal coruñés, dun programa dirixido a todos os públicos e que profundará na "excelencia cultural" da cidade. 

Comentarios