O Concello de Lalín anticipou na mañá deste venres os actos para o Día Internacional das Persoas con Discapacidade, que terá lugar o próximo luns 3 de decembro, cunha solta de globos no hall da casa consistorial.
Na xornada, cativos da vila tamén fixeron unha cadea humana rodeando o consistorio.
Os actos, que continúan pola tarde, están organizados polos colectivos Aspadeza, Aranes, Morea e Working Wheels en colaboración co Concello.
O propio organismo lalinense publicara un vídeo esta mesma semana, promocionado polo alcalde, Rafael Cuíña, na súa conta de Twitter, no que as persoas con discapacidade reivindican a importancia da diversidade.
En Lalín estamos coa diversidade.
— Rafa Cuiña (@Rafiklalin) 26 de noviembre de 2018
Somos un concello exemplar en apoio a estes colectivos cos que estamos tan comprometidos.
Son os que máis o merecen. pic.twitter.com/bwtcc3RsV1