Nun novo operativo especial de vixiancia desta fin de semana contra o furtivismo, a Policía Local de Poio e os Gardapescas da Cofradía de Pontevedra, localizaron na tarde do 6 de decembro dous furtivos na Praia de Ostreira extraendo ilegalmente ameixa.
Os identificados son veciños de Poio, que contan con múltiples antecedentes tanto penais como administrativos por furtivismo.
Estes furtivos extraen o molusco en sacos e agóchano en diferentes puntos ou zulos, ou en coches vellos que compran para estes menesteres. Trátase dun grupo organizado, que tras extraer o molusco voltan con posterioridade o lugar para recuperalo e vendelo ilegalmente en bares e restaurantes.
En moitas ocasións é imposible localizar o material. Este novo operativo foron incautados un total de 19,5 kilos de ameixa Japónica, dos cales 15 kilos son de tamaño antirregulamentario.
Estos dias aumentou o traballo ilegal por parte dos furtivos xa que teñen mais demanda dos restaurantes que o compran de forma ilícita.
A actividade é constante todo o ano pero increméntase cando se achegan as épocas de celebracións, como pode ser agora para o Nadal.
Os dous furtivos serán de novo denunciados por un presunto delito contra a flora e a fauna, tramitando dobre vía, polo que se trasladan as infraccións administrativas ante os órganos competentes da Xunta de Galicia.